По повод Денот на Охридското Езеро Општина Охрид подготви богата програма исполнета со културни, спортски и забавни настани.
Програмата започнува на 19 јуни со Литературно – едукативниот проект за деца „Раскажи ми за езерото“ од 10:30-12:00 часот во ЈОУДГ „Јасна Ристеска“ – Охрид, објект „Централна“. Во 11:00 часот ќе се одржи Фестивал на поезијата и културата „Слушни го езерото“ во НУ Библиотека „Григор Прличев”- Охрид. Вечерта со почеток од 19:00 часот на програмата е „Книжевен хепенинг за деца Охрид 2026“ на плоштадот „Вангел Наумовски“.
Следниот ден, 20 јуни, од 10:00 часот предвидена е Едриличарска регата „Заедно за иднината на Езерото“ на плажата Горица 1. Во 20:00 часот во НУ Центар за култура „Григор Прличев“ концерти ќе одржат ВИС „Билјана“ и Елена Христова-Баклава.
На 21 јуни, од 10:00 часот продолжува Едриличарската регата, а до 20:00 часот концерт ќе одржи Владимир Четкар.
Програмата се заокружува на 22 јуни во 19:00 часот со Креативна детска работилница и детски музички фестивал „Распеано Рибарче“ на плоштадот „Вангел Наумовски“.
OhridNews
