Здружението за заштита на лицата болни од рак од Македонија, се собраа вчера во Битола и јавно побараа ослободување на партиципацијата која ја плаќаат за лекување.
Во име на добрата соработка што меѓу нив ја договорија, засадија дрвја во паркот пред клиниката во Битола, јави локалната телевизија Тера, пренесува „Макфакс“.
„Еден од заклучоците е дека се појави потребата од ослободување на партиципацијата на болните од рак во Македонија. Оваа категорија е една од најранливите групи на нашето население. Се случуваат и психофизички проблеми и материјални проблеми “ вели Јовица Пријевиќ од Лигата за борба против ракот.
„Би сакале да имаме што поскоро национален регистар каде што ќе бидат сите видови на рак. Ние сме најмногу запознати со ракот на дојката и дека годишно заболуваат околу 700 луѓе, но напредуваат и другите болести како што се ракот на дебелото црево, до скоро најчесто кај мажите сега и кај жените, исто така и ракот на грлото на матката“ рече Виолета Томовска од здружението Искра.
OhridNews
извор:„Макфакс“
