Светскиот рекордер и олимписки шампион на 100 и 200 метри, Усен Болт, не
успеа да победи на трката на 400 метри одржана во Кингстон, Јамајка.

На митингот во Кингстон победи Николас Мејтланд со резултат 46,44
секунди, време кое за 0,65 секунди беше побрзо од она кое го истрча
Болт.

Најбрзиот човек на планетата по трет пат од почетокот на годината трчаше во трката на еден круг.

Ниту најголемиот конкурент на Болт на патеките на 100 и 200 метри, Јохан Блејк не успеа да победи во оваа дисциплина.

Блејк во втората трка исто така го освои второто место со време 46,33
секунди, тој имаше подобро време од Болт, но за девет стотинки беше
побавен од победникот во групата Алодин Фадерџил.

“Макфакс“