Делегација на ОБСЕ, предводена од Амбасадорот Кнут Волебаек -висок комесар за национални налцинства, имаше работна вечера со претставници на Младински Совет Охрид. На работната вечера што се оддржа во ресторанот Св. Софија во Охрид беше дискутирано за активностите на Младински Совет Охрид, како и за можностите за соработка на полето на образованието, човековите права, политичкиот дијалог и сл. Средбата беше искористена за дискусија посветена на проблемите помеѓу македонските и албанските ученици во средношколските центри во Струга, за престојните локални и претседателски избори, како и за проблемите и потребите на младите во општина Охрид.
На средбата, покрај Високиот Комесар за Национални Малцинства, присуствуваа и Роберт Шуп претставник на политичкиот сектор во Хаг, Наталија Грозд-Амбасадорка на ОБСЕ и заменик на шефот на мисијата во Скопје, Јохан Шустердер и Тицијана Гарсија Тапија-претставници на секторот за образование на ОБСЕ во Скопје и Доменико Албонети, претставник на политичкиот сектор во ОБСЕ во Скопје.
Делегацијата на ОБСЕ вчера во Скопје оствари средби со претседателот Црвенковски, премиерот Груевски и Министерот за образование Стојаноски.
