Дежурни служби ќе се  грижат за јавната хигиена во туристичките населби во претстојната сезона, најави јавното комунално претпријатие.

–  Надвор од активностите предвидени со Оперативната програма за 2009 год., Ј.П.”Охридски Комуналец” воведува дежурни екипи кои секојдневно во периодот 05.00-11.00ч. ќе се грижат за одржувањето на хигиената, метење на коловозот и чистење на зелениот појас во туристички населби кои не се дадени под концесија и тоа: населба “Св.Стефан”,од Лагадин до Пештани, с.Трпејца и с.Љубаништа, информираат од „Охридски Комуналец“.

Дежурни екипи се воведуваат и во централното градско подрачје во периодот од 11.00-24.00ч., во Стар Град од 10.00-16.00ч., а посебен акцент ќе се стави во деловите од градот со викенд станови, каде и бројот на жители се удвојува во летниот период, велат од „Комуналец“.

Во пресрет на главната туристичка сезона низ охридските улици поставени се нови педесетина контејнери, а канделабрите се разубавени со жардињери со цевеќе.

Ohridnews
фото ЈП „Охридски Комуналец“