Во организација на Министерството за надворешни работи, Бирото за регионален развој и Центарот за развој на Југозападниот плански регион, утре, ќе се организира „Дипломатски караван“, со учество на поголем број на амбасадори и претставници на дипломатскиот кор во државава на кои ќе бидат презентирани и промовирани економските потенцијали на домашните фирми, како и можностите за инвестирање со цел да се поттикне регионалниот развој во Југозападниот плански регион.
Најавено е присуство на околу 20-тина претставници на амбасадите од државата кои во рамките на караванот ќе ги посетат Кичево, Охрид и Струга при што ќе остварат средби со стопанствениците и градоначалниците од регионот.
Финалниот настан ќе се одржи во хотелот „Изгрев“ во Калишта Хотел, со почеток во 13.30 минути, каде што свои обраќања ќе имаат заменикот министер од МНР, Фатмире Исаки, директорот на Бирото за регионален развој, Рамиз Реџепи, претседателот на Советот за развој на Југозападниот плански регион, Рамис Мерко, доајенот од присутните амбасадори на настанот, како и директорката на Центарот за развој на Југозападниот плански регион, Мирјана Лозаноска. На настанот со свои штандови и презентации ќе се претстават и дел од фирмите од охридско-струшкиот микро регион.
OhridNews
