Секретарот на Билатералниот секретаријат за заштита на сливот на Охридското Езеро , Дејан Пановски , на 12 ноември во Женева, пред преставници на меѓународни организации и донатори ќе ја презентира потребата и видувањата за почеток на имплементација на проектот за управување со басенот на Реката Дрим и потребата за брзо отпочнување на првата фаза на проектот наречена Дрим Дијалог.
– Ќе бидат презентирани искуствата , нивоата на комуникација , вредностите на сливот и заедничката визија на сите земји во сливот на реката Дрим. Тоа треба да биде силен политички процес со многу предизвикувачки теми за менаџирање од аспект на екологијата, економијата, енергетиката. Треба да ги вклучи и сите граѓани во тој процес и да иницира директни активности на терен. Се бориме континуирано за овој дијалог и проект и сакам да верувам дека за скоро време ќе може да се објави стартот на првата фаза наречена Дримски Дијалог, изјави Паноски
Инаку Дримскиот проект е проект кој треба да вклучи пет земји во регионот(Македонија, Грција, Албанија, Косово и Црна Гора) и треба да биде искористен за управување на речниот басенво кој се наоѓаат неколку хидроелектрани вештачки езера, земјоделско земјиште и други интереси. Првата фаза треба да опфати воспоставувањедијалог меѓу петте земји, дијалог меѓу структурите на трите езера (Преспа, Охрид, Скадар) и воспоставување на заедничка визија и декларација за Дрим. Подоцна се планирани подготовка на студија, брза анализа на состојбата и конкретни мерки во сливот. Почетокот на Проектот е обременет со економската ситуација но ентузијазмот кај сите страни е евидентен.
Ohridnews
