ЈП за стопанисување со спортски објекти бара да и` бидат вратени во сопственост спортските сали што државата им ги отстапи на општините.

Меѓу тие кои ги бара јавното претпријатие  е и салата “Билјанини извори“ во Охрид. За локалната  самоуправа ваквото барање е нереално бидејќи салата во Охрид е градена со средста од самопридонес, а долговите за нејзината изградба ги сервисира општината.

Како што дознаваме претставници на локалната самоуправа деновиве имаат интензивна комуникација со надлежните во Скопје со цел да им се предочат фактите околу охридската сала. Со салата “Билјанини извори“ во моментов стопанисува ЈП “Охридски Комуналец“. Во иднина како што најави неодамна директорот на комуналното претпријатие Боро Павлоски не е  исклучена можноста да се формира посебно јавно претпријатие кое ќе стопанисува со спортската сала.