Во Камиен Поморски , Полска заврши Европското првенство во едрење во класата Оптимист. На првенството зедоа учество 247 едиличари од Европа и гостите од САД, Бразил, Нов Зеланд и Јапонија.
Македонските едриличари Димитар Поп-Стефанија заврши на 126 место додека Новица Велјаноски на 143 место. – Ова е втор настап на Оптимистите на Европските првенства и е забележан напредок. Значајно е искуството кое го собираме на вакви големи натпревари, после кои македонските едриличари се се` поуспешни на меѓународните регати- велат од ЕФМ.
Во Истанбул, Турција започна Волво ИСАФ Светскиот младински шампионат на кој во наредните седум дена со 350-те најдобри млади едиличари силите ќе ги одмери и македонскиот едриличар Ердал Лусо во класата Ласер Радијал.
Едрилицарските клубови Бофор и Стрмец од Охрид го објавија расписот за 42 издание на Меѓународната Илинденска едриличарска регата 2010, која ќе се одржи во Охрид од 31. јули- 02.август 2010г .
Ohridnews
© Ohridnews.com. All rights reserved.
The content of this article, should not be printed, copied or published in any way, without permission by Ohridnews.com