По неколку неформални средби група на ентузијасти го формираше новиот спортски субјект во Охрид  планинско-друмски велосипедистички клуб “Екодром. Идејата за формирање на ваков клуб постoела одамна, но поради најразлични околности не дошло до нејзина реализација , главна цел на клубот ќе биде популаризација на  велосипедизмот во пошироки граници.

– Оваа цел е примарна, но не и единствена во програмата на клубот, во нејзините рамки природно се вклучени и други аспекти: подигнување на велосипедската култура воопшто, започнувајќи од секојдневното учество на велосипедистите во сообраќајот, се до клубски активности кои можат да дадат придонес во развојот на алтернативниот и руралниот туризам – вели еден од основачите на клубот Екодром , Александар Јованоски.


екипата на “Екодром“

Името на велоспидедскиот клуб “Екодром“според основачот има посебно значење. Тој објаснува
–  ЕКО ја опфаќа екологијата односно еколошкиот систем на нашето езеро обиколено со прекрасните планини Галичица, Петрино, Караорман и Јабланица, а ДРОМ, односно организирана патека, ги опфаќа сите патишта – асфалтирани, колски, планински, па и поединечни патеки по кои се движи локалното население.


Ваквото име од клубот очекуваат да привлече што поголем број членови кои ќе ја претворат околината околу езерото, во една голема патека која на велосипедистите и рекреативците ќе им овозможи да уживаат во познатите убавини на овој регион, истовремено откривајќи и нови глетки и атракции.

          

Запознавањаето на јавноста со новоформиранот клуб ќе биде на манифестацијата ЛЕТО 2009, која ќе го означи почетокот на главната туристичка сезона во Охрид.

OHRIDNEWS