Матурантите ќе полагаат екстерни тестови во февруари, а останатите ученици на крајот од годината. За да не се совпаднат екстерните тестови со полагањето на државната матура, Министерството за образование ќе ги спроведе на почетокот на второто полугодие. Со ова матурантите ќе бидат оценети само за едно полугодие, со што ќе немаат можност евентуално подобриот успех во второто полугодие да го покажат на тестовите.
Екстерното тестирање започна на крајот на минатата учебна година. Истиот ден Уставниот Суд донесе времена забрана. За судиите беше спорно што тестовите ги оценуваше Бирото за развој на образованието, односно институција која е надвор од училиштето. Ако измените на законите за основно и средно образование ги изгласаат пратениците, ќе има екстерно тестирање и тоа по четири предмети. Тестовите наместо Бирото за развој на образованието, ќе ги составува Државниот испитен центар, а екстерното ќе го спроведува Училишна комисија која и ќе ги оценува наставниците и учениците. Екстерните тестови се предвидени за учениците од 4 одделение основно, па се до 4 година средно.
Ohridnews
