Надојдената вода од Охридското Езеро, подземните води и големите врнежи од дожд направија мало езерце на рамнината наспроти скејт паркот во Охрид, која во текот на летната сезона се користи како паркинг. Ситуацијата беше покритична во текот на изминатиот викенд, кога под вода пливаше и паркингот кај Езерската полиција и дел од рекреативната патека кон хотелот Парк.
Езерце наспроти Езерото
Слични вакви езерца деновиве може да се забележат на многу места на крајбрежјето на езерото и по течението на реките од неговото сливно подрачје. Некои од нив имаат направено и поголеми штети на земјоделски посеви и овоштарници.
Е.Е.
