Полицискиот билтен е преполн со немили настани кои во изминатото деноноќие се случиле во Охрид.
Синоќа во ПС-Охрид, 21 годишен охриѓанец пријавил дека околу 22,00 часот на регионалниот пат Охрид-Св.Наум, на приклучокот за хотел „Инекс“, додека се движел со велосипед го пресретнало возило во кое имало две непознати лица. Возилото му го попречило патот и едното лице се упатило кон него, го фатило за врат и за рака и го легнало на земја, едната нога му ја ставило на грбот и од џебовите му ги извадило парите, клучевите и телефон, држејќи го така 10 минути. Нападнатиот пробал да стане, но лицето го држело и не му дозволувало се до доаѓање на полициски службеници. СВР-Охрид презема мерки за расчистување на случајот.
Во друг случај пијан охриѓанец откако предизвикал инцидент во пекара, физички нападнал униформиран полициски службеник, удирајќи го со тупаница во пределот на градниот кош, притоа спречувајќи го во превземање на законски мерки. Помош добил од уште едно лице кое ги спречувало полициските службеници да го приведат нарушителот на јавниот ред и мир. Со примена на сила двете лица биле совладани и приведени во полициска станица. Приведените при спроведивањето го оштетиле службеното возило, а еден од полициските службеници се здобил со повреди на градниот кош и надлактицата.
Рано утрово во ПС-Охрид, охриѓанец пријавил дека околу 03,50 часот на ул.„Партизанска“ бил вербално нападнат од едно лице кое потоа од џебот извадило нож и почнало да мафта, при што му го исекол левиот ракав од кошулата, по што си заминал. Напаѓачот бил приведен и задржан во ПС-Охрид, а кај него бил пронајден и ножот со кој бил извршен нападот.
Проблем со насилници имал и 44 годишен охриѓанец кој бил пресретнат од сограѓанин кој му забележал зошто го пријавува во полиција. Притоа извадил нож и со рачката го удрил во главата по што заминал во непознат правец. Напаѓачот бил пронајден и приведен во полициска станица, каде бил задржан.
OhridNews
