Фото: Промовирана песнарката „Охридски Музички Бисерник

Во Кадмо Бар синоќа беше промовирана песнарката „Охридски Музички Бисерник – староградски песни“ од Андреј Лаброски, прерано починатиот член на ансамблот “Билјана”.

Во песнарката поместени се вкупно 66 композиции од кои 62 песни и 4 ора од охридскиот крај. Ова е монументално мелографско дело и прво од ваков карактер во Македонија кое е посветено на одреден ансамбл и географски регион.

Промотор на песнарката, единствена таква во Охридско, беше познатиот охридски хроничар и публицист Владо Жура.Тој направи своевидна хронологија на староградската музика во Охридскиот регион, осврнувајќи се на познатите чалгаџии Караѓуле и Садило, па се до мелосот во денешно време.

Обраќање на настанот имаше и Ристо Николески, заменик градоначалникот на Општина Охрид, која го помогна издавањето на песнарката.

Настанот имаше хуманитарен карактер. Дел од средствата собрани со продажба на песнарката, ќе се наменат за лекување на младиот музичар Мартин Стојаноски.