После седум месеци градба, во средата во Охрид, на булеварот „Туристичка“ на излезот спрема Струга, свечено беше пуштена во работа новата бензинска станица на ОКТА. Околу 500-те гости ги поздравија директорите на фирмата од Грција, сопственикот на станицата Љупчо Којчиноски и градоначалникот Александар Петрески кој и ја пресече црвената лента. Петрески отворањето на бензинската го поздрави „како нешто важно во економијата на Охрид бидејќи тука ќе се вработат луѓе, а тоа е стара болка на градот. Се надевам дека ќе има уште вакви инвестиции во Охрид.“
Сопственикот Којчиноски најави нов начин на работа, вклучувајќи точење исклучиво најквалитетни горива и добра услуга.
С. Костоски
