Чудна ситуација. Кај куќата на Зарчевци, на ѕидчето оставени (уредно) делови од облека, а нема  никого. Се приближувам и гледам човек во вода.  Беше  попладне, 29-ти декември, температура на воздухот едвај над нулата, а на водата околу 7 степени. Успеав  да направам неколку фотографии  иако  човекот не беше расположен за  „позирање“.  Дознав дека се вика Петар и од време на време се капел вака –  „за здравје“.  „Ритуалот“ го заврши за околу половина час, се облече и си замина.


Припремање


сапунење


плакнење


бришење


чудно место и време избрано за капење

Од охридските легендарни „капачи“ во секакви услови (па и најголем студ) секако најпознат е Ламбе Арнаудов кој и самиот во една прилика ни раскажуваше анегдота како го уплашил клисарот во Св. Јован Канео кога во 5 сабајле излегол од вода, а овој повикал – „Свети Јон, Свети Јон…“
Следното големо масовно капење ќе биде за Водици, на 19ти јануари.

С. Костоски