Прекрасен роденденски подарок за 54-тиот јубилеј на фестивалот „Охридско лето“ беше музиката на исклучително талентираниот српски виолинист, маестро Немања Радуловиќ, кој заедно со францускиот гудачки квинтет „Ѓаволски трилери“ и пијанистката Лор Фавр-Кан, настапи синоќа на Античкиот театар.
Уживањето траеше речиси два часа. Публиката имаже можност да чуе изведби од класика, преку филмска до традиционална музика, за што извонредните уметници беа наградени со стоечки овации и беа вратени неколку пати на бис. Ексклузивно публиката во Охрид за прв пат можеше да чуе две нови композиции кои ќе се најдат на следниот албум на Немања Радуловиќ и неговиот гудачки квинтет, а специјално тие ја изведоа прекрасната „Зајди Зајди“.
54 роденден на фестивалот Охридско лето беше одбележан со коктел во хотелскиот комплекс „ Метропол – Белви“ на кој присуствуваа бројни гости.
Охридско лето одбележа 54 години постоење
OhridNews
