На програмата се дела од : Хајдн, Моцарт, Дворжак.
Квартетот „Ардео“ е формиран во 2001 година на Парискиот национален конзерваториум за музика и драма и денес е еден од најреномираните француски камерни ансамбли. Совршената уметничка цврстина на Ардео се потпира врз хармоничноста меѓу членовите и нивната посветеност на заедничкото музицирање. Бројните меѓународни награди се доказ за извонредните квалитети на ансамблот.„ Ардео квартет“ настапувал во престижни сали и фестивали низ Европа, а неговите членови имале привилегија да настапуваат на истата сцена со престижни музичари како: Давид Кадоух, Владимир Менделсон, Евгениј Корољов, Марио Брунело, Кристоф Рихтер и многу други. Интересот на ансамблот за современата музика им овозможи соработки со композиторите Џонатан Харви, Каија Сааариахо и Едит Канат де Чизи. Нивниот прв компакт диск, издаден во 2007 година стекна позитивни оцени од меѓународната критика.
Концертот е поддржан од Охридска банка Социете Генерале Гроуп, Францускиот културен центар во Македонија и Амбасадата на Република Франција во Македонија.
