На состанокот одржан пред Нова година утврдена била програмата, која вп многу не се разликува од минатогодишната, но се најавуваат изненадувања. Фондот на награди е зголемен, обезбедени се 1000 литри вино и 400 литри ракија, а во функција на промоција на манифестацијата неколку дена пред карневалот низ охридските улици ќе продефилира маскирано возило со натписи за карневалот, информираат организаторите.
Карневалот започнува на 13 ти јануари во 17:00 часот со палење на василичарскиот оган и посета на сите домови во селото. Главната манифестација е следниот ден, 14 ти јануари во 17:00 ч . кога ќе се одржи дефилето под маски. Манифестацијата ќе биде збогатена со настап на групата Маестрал од Битола и Елена Велевска. Традиционално вечерта ќе бидат прогласени најдобрите маски, а се најавува и голем огномет.