Деновиве на крајбрежјето на Охридско Езеро на дел од плажата по должина на пешачката патека после мостот кај каналот „Студенчишта“ се забележуваат градежни материјали.
Станува збор за песок и крупни камења кои се истоварани на самата плажа. За што станува збор, одговор побаравме од надлежните служби во Општина Охрид.
Од општината велат дека ќе бидат преземени активности за утврдување на состојбата на терен.
Општина Охрид ќе постапи согласно своите надлежности и законските ингеренции. Надлежните служби ќе ги преземат потребните активности за утврдување на фактичката состојба на терен, по што, доколку се утврди потреба, ќе бидат преземени соодветни мерки согласно важечката законска регулатива, посочуваат од Општината.
Н.С.Ј.
