Илчо Алексоски од редовите на ВМРО-ДПМНЕ беше избран за претседател на Советот на Општина Дебрца. Со шест гласа ЗА и четири воздржани, советниците го избраа Алексоски за претседавач со Советот на продолжението на првата седница.
Нашата цел е, сите советници заедно да работиме и да ги носиме најдобрите одлуки за нашата oпштина , за да по четири години граѓаните ги препознаат нашите заложби и реализирани проекти, посочи Алексоски во своето обраќање по изборот.
Советниците претходно не успеаа да изгласаат Претседател на Советот, бидејќи како што истакна тогаш првиот човек на Општината Зоран Ногачески, не успеале да ги надминат партиските разлики.
Новиот состав на Советот на Општина Дебрца го сочинуваат 4 советници од ВМРО-ДПМНЕ, 4 советници од СДСМ, 2 независни советници и 1 од ЛДП-ДОМ.
OhridNews
