Развојната програма за општината во доменот на урбанизацијата, предвидува во текот на 2009 година да се изработат 19 ДУП кои ќе ги финансира локалната самоуправа. Најголемиот дел од нив се во фаза на изработка и за нив се потпишани договори. Предвидени се и 1,4 милиони денари за изработка на УП за село Пештани кој се однесува за урбанизирање на површина од околу 43 хектари. Предвидена е изработка и на 3 ДУП кои ги финансира општината со претходно регулирани договори за плаќање (пред 2005.година).
Ќе се изработи и анекс на Генералниот урбанистички план за Охрид 2002-2012 кој е донесен во 2006 година заради внесување содржини од аспект на Законот за заштита и спасување за што ке се потрошат 620 илјади денари.
Во фаза на изработка се и 14 ДУП и 4 УП вон населено место кои ќе се финансираат од физички и правни лица. Се изработуваат и 6 ДУП и 11 УП за села и УП вон населено место кои можат да бидат финансирани од Буџетот на Републиката, физички и правни лица или други донатори.
