Доколку не се промени Уставот, тогаш во пракса тоа значи дека процесот на интерграција на земјата во ЕУ ќе застане додека не се случат промените. Другите држави кои преговараат веројатно ќе одат напред во меѓувреме, како Албанија, и тоа не е некакво преупредување, туку едноставно изнесување на факт. Ова во видео интервју за OhridNews го истакна Амбасадорот на ЕУ Дејвид Гир. Посочи и дека ЕУ очекува многу од реформите кои ќе се следат вниматено низ скрининг процесот и се очекува конкретен напредок особено во обаста на правосудството. Со него разговаравме и за соработката со Охридско лето, заштитата на културните и природните вредности на Охридскиот регион, но и за предизвиците пред кои е исправена државата на патот кон ЕУ.

Во 2007 година беше воспоставена соработка на фестивалот „Охридско лето“ со ЕУ, која успешна трае до денес. Оваа културна  манифестација е битна точка на агендата на европскиот културен календар, вели евроамбасадорот.

 

Фестивалот „Oхридско лето“ е важна точка на агендата на европскиот културен календар, кој на едно место ги собира значајните личности од Европа и надвор од неа. Но, исто така е и индикатор за тоа што може да понуди оваа земја, не само во контекст на величествениот Охрид и прекрасното езеро, туку и во контекст на неговата култура, диверзитет и богатство од искуства, лингвистика, уметност. Со задоволство го поддржуваме овој настан, вели евроамбасадот Гир.

Во поглед на грижата за светското и природно културно наследство Евроамбасадорот вели има напредок, но многу повеќе е потребно, потенцирајќи ја и важноста на добрата соработка на секое ниво, меѓу централната власт и локалната власт, локалните авторитети, цивилни организации, бизнисите и обичните граѓани.

Треба да се осигураме дека живеењето тука е одржливо. Треба да го зачувуваме прекрасното историско и уметничко богатство на овој град и Охридското Езеро и за идните генерации, потенцира Гир.

Како што се движиме кон Европската Унија, вели евроамбасадорот Гир, потребни се реформи кои што ќе направат разлика за граѓаните, а Охрид треба да биде дел од нив.

Разбирам дека дебатата во моментов за промена на Уставот е комплексна и суверена одлука за оваа држава. Сметам дека она што е добро е тоа што имаме конкретен предлог на маса и луѓето можат да го видат Се разбира дека останува на различните членови на парламентот да проценат како тоа се вклопува во националниот интерес. – истакна амбасадорот Гир.

Во поглед на гаранциите дека по уставните измени нема да има блокада во иднина кон евроинтегративниот процес, Гир вели дека има искуство во Европската Унија и ова не е првата држава која имала потешкотии на почетокот на процесот, особено со билатерални прашања.

Доколку промените на уставот не се направат, тогаш во пракса тоа значи дека процесот ќе застане додека не се случат промените. Другите држави кои преговараат веројатно ќе одат напред во меѓувреме, како Албанија и тоа не е било какво преупредување, туку едноставно изнесување на факт. Дали Европската Унија ќе ја снема тука? – Дефинитивно не, ја сакаме оваа држава во Европската Унија. Веруваме дека сите може да имаме придобивки од вашето членство, ќе продолжиме да се ангажираме и да нудиме поддршка, додаде тој.

За тоа што ќе следува по завршување на скринигот, вели следниот чекор ќе биде да се отворат специфичните преговори во една област која, како што истакнува, е важна за реформите, посочувајќи дека големи се очекувањата во сферата на правосудството и борбата против корупцијата.

Одреден напредок е направен во некои од овие области, како и работа на некои институции кои се борат против корупција, што е добро. Но, истовремено, има и некои загрижувачки елементи во други области, додава Гир.

Целото интервју со амбасадорот на ЕУ Дејвид Гир, може да го проследите на видеото подолу.

Г.М.