Македонија ја победи Грција со 72 – 58 и го постигна најголемиот спортски успех од своето осамостојување. До најголемата победа “црвено-жолтите“ ги предводеше Бо Мекалеб со 27 поени.
40 минути тапкање во место, грицкање нокти, тешење, скокање, а потоа експлозија. Така се чувстуваа милионите македонци ширум светот.
Полека јунаците на Марин Докузовски влегуваа во ритам и ја кршеа грчката одбрана. Одбранта функционраше беспрекорно, не паметат нашите јужни соседи кога последен пат завршиле некој меч со постигнати 58 поени.
Порозната одбрана ја разбиваше “МеккалеБОвски“ кој се разбуди во третиот период кога ја понесе екипата кон историскиот триумф.
Капитенот Антиќ (12 п, 8ск) како вистински лидер диригираше со играта не доволувајќи да не понесе атмосферата и се направено да оди по вода. Во рекетот одлично одигра Гечевски ( 11п, 6 ск) кој иако повреден во третиот настап на ЕП, ја постигна најголемата победа.
Чековски го надополнуваше Самарџиски во одбранта ,а во нападот на два пати распали токму кога се кршеше резултатот.
Вообичаено добро во одбраната одиграа браќата Стојановски, а за смирениот напад се грижеше Илиевски.
Триумфот над Грција, националните херои ќе мора да ја потврдат утре против Финска (14.30).
М.П.
