Целта на меморандумот е да се интензивира соработката на Јавното претпријатие со хотелите се со цел за побрз развој на спортскиот туризам во Охрид.
– Во тој меморандум за соработка двете страни ќе се презентираат заедно на туристичките саеми надвор од Македонија. Она што е новина и што верувам дека и во иднина како стратегија ќе се развива, со уште повеќе хотели е што заеднички ќе ги усогласиме цените за услугите, кои што ги имаме ние и хотелите- вели директорот на ЈП Иван Цветкоски.
Хотелиерите истакнаа дека се задоволни од ваквата иницијатива, и дека од теорија ќе ја преточат во пракса.
– Ме радува ваквата соработка, која оди во правец на продолжување на туристичката сезона – вели Трајанка Георгиевска од хотелот “Белведере“.
Филип Мишевски од хотелите Метропол и Белви напомена дека нивните хотели имаат одлична соработка со Јавното претпријатие, но и дека ваквата понуда ќе придонесе за поголема заинтересираност за Охрид кај спортските екипи од Македонија и регионот.
– Ваквиот пакет понуди за прв пат доаѓа од Охрид и сега треба да се работи на промоиција на овие пакети на странските пазари – рече Никола Дулески од Хотелот Славија Спектар.
Ваквиот меморандум е нов вид на соработка помеќу хотелите и Јавното прептпијатие.
– Се надевам дека овој ден ќе го паметиме по еден успешен почеток на долга соработка – заврши Никола Миленкоски од х. Ривиера.
Покрај другото во меморадумот се предвидува и изработка на интернет страна како и пропаганден материјал, преку кој би се презентирале Јавното претпријатие и споменатите хотели.
