Победата на гостувањето кај Цементарница (0-3) ја подигна атмосферата во екипата, и сите во охридскиот табор со нетрпение ја очекуваат пресметката со еден од претендентите за висок пласман штипска Брегалница.– Според нашите сознанија се работи за една цврста екипа, и ќе треба доста да работиме за да ја надтрчаме и совладаме. Јас по правило сум оптимист и очекувам нови три бода на нашето конто – вели Драган Блажески тренерот на ФК Охрид.
Брегалница на стартот на шампионатот во првото коло на домашен терен ја совлада Беласица со 1-0. Натпреварот Охрид – Брегалница се игра во сабота од 16 часот.
М.П.
