Македонија го прекина голгетерскиот пост, но загуби и во Шкотска

Македонската фудбалска репрезентација загуби од Шкотска со 2:1 на „Хемпден парк“ во Глазгов, во петтото коло од групата Б1 во Лигата на нации. „Црвено-жолтите“ го постигнаа првиот гол во ова издание, но останаа без освоен бод.

По првото полувреме без голови, Џон МекГин ја доведе Шкотска во водство во 54. минута. Елмин Растодер израмни само три минути подоцна, прекинувајќи го долгиот голгетерски пост на Македонија. Победата на домаќините им ја донесе МекГин со својот втор погодок, од пенал во 74. минута.

Македонија е последна на табелата без бодови по пет натпревари. Швајцарија води со 13, Словенија има осум, а Шкотска седум бода. Во другиот натпревар од групата, Словенија и Швајцарија одиграа 0:0.

Македонија настапот во групата го завршува в понеделник, 16 ноември, против Словенија на Националната арена „Тодор Проески“ во Скопје. Натпреварот почнува во 20:45 часот.

OhridNews

Фото: ФФМ I Фејсбук