За заштитата на Преспанскиот региони идните заднички активностио се дискутираше на Регионалната конференција посветена на интегрална заштита на прекуграничниот регион Преспа за воспоставување на трилатерален УНЕСКО биосферен резерват на Преспанското Езеро.
– Преспанскиот регион бара спцифичен приод кон неговото искористување, одржлив развој и заштитата на богатото и уникатно природно богатство, рече министерот за животна средина и просторно планирање Неџати Јакупи, додавајќи дека приоритет е да се спречи понатамошно загадување било тоа од земјоделски препарати, или друг вид отпад, како и спречување на понатамошна деградација на природата.
Конференцијата што ја органзира Министерството за животна средина и просторно планирање на Република Македонија, се реалзира со поддршка на KFW банката од Германија преку проектот “Поддршка на Национален парк Галичица”, УНЕСКО и УНДП.
– Конкретно за овој проект досега се обезбедени 1,5 милиони евра, но ова е само мал дел од целата приказна. Нашата поддршка беше присатна и во минатото, а продолжува и понатаму, преку учество во проекти насочени кон подобрувањето на областа на водоснабдувањето, третирањето на отпадните води и други проекти во Охрид, Струга, Ресен, Корча, Поградец, истакна Јирген Велшоф, директор на регионалната канцеларија на KFW банката.
На Конференцијата во Охрид покрај претставници на трите држави, учествуваат и експерти UNESCO, UNDP и на меѓународни институции од областа на заштитата на природата, невладини организации и претставници на локалните власти.