Македонската кошаркарска репрезентација ја победи селекцијата на Словачка со 75-66 на пријателскиот натпревар кој вечерва се одигра во Охрид, во салата Билјанини Извори.
До првата победа во подготвителниот период избраниците на Јовица Арсиќ ги предводеше капитенот Врбица Стефанов со 22 поени, додека уште двоцифрени завршија Антиќ 15 и Мејси 11.
Кај поразениот тим најпрецизен беше Гавел 22 поени, додека по 12 поени постигнаа Сикора и Батка.
Македонија утре во 18 часот ќе го одигра и вториот пријателски натпревар со Словачка.
М.П.
