Македонската ракометна репрезентација претрпе пораз 31-25 од Словенија на првиот контролен натпревар пред почетокот на Европското првенство во Данска.
Избраниците на македонскиот селектор, Ивица Обрван одиграа солидно прво полувреме по кое резултатот беше изедначен 12-12. Во второто големата ротација донесе грешки во нападот, што резултираше со пораз од 31-25.
Најпрецизен во селекцијата на Македонија беше Кирил Лазаров со шест погодоци, Манасков постигна четири, Мојсоски и Димовски по три.
Со мечот против Словенија македонските репрезентативци го завршија првиот дел од подготовките, а вториот ќе се одвива после новогодишните празници.
Мх.П.
