Продолжува ротацијата на охридската клупа. Охрид кој по првото коло беше прв на табелата а по осмото на последното, го елиминираше Турново па се откажа од купот, за нов кормилар го назначи некогашниот репрезентативец Гоце Маркоски.Маркоски ќе има тешка задача да ја крене екипата на Охрид која ја има најслабата одбрана (19 примени гола) и најслабиот напад (6 гола) и е без победа во последните седум кола.
– Имав разговори со претседателот Малезанов и со претставниците на словенечката компанија која ќе инвестира во Охрид и добив уверувања дека работите ќе се средат. Јас сум човек кој прифаќа предизвици, а Охрид сам по себе е доволен предизвик за мене – ни рече Маркоски кој вчера го одржа првиот тренинг со екипата.
Маркоски втор пат ќе седне на клупата на Охрид. Првиот пат пред 4 сезони, кога Охрид играше во Третата лига тој беше тренер-играч во охридскиот тим. Тогаш со Маркоски на клупата Охрид успеа да се влезе во второлигашкото друштво но потоа тој го напушти клубот.
помошниците на Маркоски, Ристески Милчо и Цветкоски Миле
Маркоски, по Блажески и Љамчевски ќе биде третиот тренер кој годинава седнува на клупата на охридскиот вторлигаш.
М.Постоловски
