Под наслов „Меланж од ноти“ учениците од ОМУ „Методи Патче“ од класата на професорот Игор Климовски приредија прекрасна музичка магија во пријатниот амбиент на кафе „Art Terrazza“. ​Концертот беше вистински колаж од емоции поделен во два дела.

Класичен и модерен дел беше составен од вечните класици како Бах, Моцарт, Хајдн и Бетовен, разиграниот џез на Скот Џоплин, па сè до концептуалната „4’33″“ на Џон Кејџ.

Забавен дел беше со традиционален дух кој опфати прекрасни аранжмани на добро познати македонски народни и забавни композиции како „Билјана платно белеше“, „Ах љубов, љубов“, „Налеј, налеј“, „1762 лето” , „Голема риџа ти чинам” и многу други, кои на посебен начин ја стоплија атмосферата.

Нашите вредни ученици покажаа дека музиката нема граници, претставувајќи се со разновидна и исклучително богата програма, велат од училиштето.

​OhridNews