Членовите на охридското драмско студио „Цвет 75“, утре, 11-ти декември, во основното училиште „Христо Узунов“ ќе ја изведат новата детска претстава „Модерна бајка“.
Станува збор за познатата бајка за заспаната убавица, но со нови елементи. Покрај ненадејните пресврти, лутината на самовилата, одмаздата, љубовта присутна е и актуелната тема или модерен проблем, а тоа е загадувањето на околината.Чувањето на природата, грижата за неа е исто така важна за среќниот крај на бајката. Низ неа ќе не водат младите учесници на Драмското студио „Цвет 75“ Охрид: Сара Петкоска, Лина Боцеска, Мила Милошеска, Јон Ѓорѓиевски, Софија Стефановска, Анѓела Ивановска. Текстот е на Снежана Стефановиќ, ментор е Драгана Боцеска.
OhridNews
