Мултимилијардерот Субрата Рој, соптвеник на компанијата „Сахара Индија Паривар“, за два дена го пролонгира престојот во Македонија. Тој вчера престојуваше во Охрид од каде требаше да си замине од земјава, но убавините на Охридското Езеро и древниот град, како и плановите за инвестирање во туризмот, која била една од сферите на интересирање на индискиот богаташ, го предомислиле да остане во Македонија до вторник.
Како што пренесе агенцијата „МИА“, индиската делегација вчера уште еднаш ги разгледала потенцијалните локации за туристичките зони околу Охридско Езеро, по што преку Галичица се упатила кон Преспа. Ноќта Субатра Рој повторно ќе ја мине во Охрид. Тој бил заинтересиран да го види охридскиот аеродом и да се запознае со неговите технички перформанси, како и со културните знаменитости што ги нуди градот.
