Повредата на Икер Касиљас ги раздвижи челниците на Реал Мадрид, кои се растрчаа во потрага по нов голман.
Шпанските медиуми пренесуваат дека три имиња фигурираат за голман на „кралскиот клуб“, прв пик на тренерот Мурињо е Бразилецот Жулио Цезар, со кого Португалецот соработуваше во Интер, кога италијанскиот клуб ја освои тројната круна.
Цезар, на почетокот на сезоната, го напушти Интер и се пресели во Премиер лигата, во редовите на Квинс Парк Ренџерс.
Според истите извори, интересни за Реал се и голманите на Борусија Менхенгладбах, Тер Штеген, односно Удинезе, Жељко Бркиќ.
“Макфакс“
