Избирачите на претстојните избори ќе бидат евидентирани двојно. Еднаш при гласањето за претседател, а втор пат при гласањето за градоначалник и членови на општинските избори. При тоа, според Изборниот законик, тие ќе имаат право да се изјаснат само за градоначалник и Совет, а да не гласаат за претседател и обратно. Во тој случај тие нема да бидат евидентирани во еден од двата избирачки списоци.
Двојната евиденција во избирачкиот список е неопходна затоа што цензусот за избор на претседател и градоначалници не е ист. За избор на претседател долниот праг на излезеност е 40%, а за избор на градоначалници тој е 30% во вториот круг.
Претседателските и локалните избори во Македонија ќе се одржат заедно на 22 март. Изборната кампања започнува на 2 март.
