Најголем број од слободните работни места се во градежништвото

Според анкетата за слободни работни места од Државниот завод за статистика, во првото тримесечје од 2013 година, стапката на слободните работни места во земјава изнесува 1.11%.

Највисока стапка на слободни работни места има секторот Градежништво, а најмала е стапката во секторот Дејности во врска со недвижен имот и во секторот Снабдување со електрична енергија, гас, пареа и климатизација каде што стапката изнесува 0.29%. Деловните субјекти со број на вработени од 10 до 49 имаат највисока стапка на слободни работни места која изнесува 1.29%.

Најголем број на слободни работни места, односно 972, има во услужните дејности и продажбата.

Анкетата која ја спроведува ДЗС има за цел да се добијат информации за слободните работни места во претпријатијата во Република Македонија кои се важни за следење на макроекономските движења и политики на пазарот на трудот.