Здружението на граѓани Е КУЛ ТУР од Охрид организира Меѓународна летна школа по класична гитара. Во рамки на школата која ќе се одржи во просториите на ОМУ “Методи Патче” во Охрид од 6-8 август 2012, предвидени се дводневни мастер-часови кои ќе ги одржи познатата професорка по класична гитара Стела Митева – Динкова од Бугарија.
Летната школа по класична гитара е вистинска можност за учесниците да го прошират и надградат своето знаење, одлична прилика да се надминат разни мелодички и технички проблеми односно да постигнат севкупно усовршување. Работејќи со професор од врвен квалитет студентите ќе се здобијат со самодоверба и сигурност неопходна за идни јавни настапи. Организаторот ќе додели Сертификат на секој учесник.
Повеќе детали (програма, начин на пријавување…) можат да се видат на веб-страната од Школата.
