Театарската претстава „Несфатената цивилизација“ од Добри Војников, која првично беше закажана за 27 јануари и одложена поради болест на лице вклучено во истата, ќе биде одиграна вечерва.
Почетокот на претставата е во 20.00 часот, а цената на картата е 200 денари. Од Центарот за култура напоменуваат дека претходно купените карти ќе важат.
„Несфатената цивилизација“ е претстава за припадноста, честа, етиката и моралот. Претстава за културолошкиот и социолошки идентитет на човекот. Претстава за глобализацијата и традицијата, како и за ефектите од нив врз целокупното општествено живеење. „Несфатената цивилизација“ е комедија, што преминува во гротеска и иронија, и што прави детална и болна дисекција на нашата целокупна колективна свест.
Во претставата играат Горан Стојаноски, Стрезо Стаматовски, Павел Маслов, Филип Кипровски, Никола Тодороски и Ивица Цонев.
OhridNews
