Новото соочување на Реал и Барселона, во 225-то „Ел Класико“ е дербито
на 26.коло во Примера. Првенствениот дуел на фудбалските великани, доаѓа по соочувањето во
Купот на Кралот, во вторникот Реал како гостин победи во Барселона со
3:1 и избори пласман во финалето на националниот Куп.

’Кралскиот клуб’ во големата победа на „Ноу Камп“ го предводеше
Кристијано Роналдо, кој постигна два гола, но печатот во Шпанија
најавува дека Португалецот нема да го започне мечот. Според плановите на Мурињо, Роналдо заедно со дефанзивците Варан и
Серхио Рамос, односно Чаби Алонсо, ќе ја чека шансата од клупата за
резерви, со цел да бидат одморни за важниот меч со Манчестер јунајтед во
Лигата на шампиони, кој ќе се одигра на 5.март.

Барселона од друга страна, според најавите, на „Сантијаго Бернабе“ ќе
истрча во најсилниот состав, Џорди Роура нема што да тактизира, Барса
мечот од Лигата на шампиони ќе го одигра дури на 12.март, а евентуалната
победа ќе биде значајна за враќање на самодовербата на екипата.

Примера 26.коло, двојки:
Сабота, 2.март: Реал Мадрид-Барселона (16часот), Депортиво-Рајо Ваљекано, Осасуна-Атлетик Билбао, Валенсија-Леванте

Недела, 3.март: Гранада-Мајорка, Еспањол-Ваљадолид, Малага-Атлетико Мадрид, Реал Сосиедад-Бетис

Првенствената рунда во Примера, в понеделник ќе ја затворат Севиља и Селта

“макфакс“