Согласно одлуката на Регулаторната комисија за енергетика, од ноќеска на полноќ, поевтинуваат бензините, а цената на дизелот останува иста.

Малопродажната цена на бензинот еуросупер БС-98 се намалува за 1,5 денар и ќе изнесува 68,5 денари за литар. Малопродажна цена на бензинот еуросупер БС-95 се намалува за 1 денар и ќе изнесува 66,5 денари за литар.

Цената на дизелот и на екстра лесното масло за домаќинство не се менуваат, односно остануваат на 62 и 50,5 денари за литар.

Малопродажната цена на мазутот М-1 НС ќе биде 32,954 денари за килограм.

OhridNews