Охридските ноќни клубови, ресторани и кафе барови нудат богата програма за прослава на Стара Нова Година-Василица, а охриѓани и туристите може да уживаат во голем број живи свирки и диџеј забави.
Во Lounge bar & boutique hotel „Mister I“ на 13-ти јануари ќе се организира голема забава под маски, а за празничната атмосфера ќе биде задолжен бендот „ЕYE CUE“. Организаторите ветуваат изненадувања за најдобрите маски, а најубавата маска ќе ја добие главната награда: викенд во хотел „Инекс Горица“. Забавата започнува во 22 часот.
Одлична забава за Василица најавуваат од лоунџ бар ”NOA”. Дочекот на Стара нова година ќе го разубават Емилија Маринова, Горан Папаз и Филип Стојкоски Зизи со безвременските хитови од нивниот извонреден музички проект ”Love dance smile”, специјално адаптиран за празничниот настап во ”NOA”. Забавата почнува во 22 часот.
Свечен дочек на Стара Нова Година по принципот алакрт со 20 % попуст на храната и пијалаците се организира и во Хотелот „Тино“ во Св. Стефан. Гостите ќе ги забавува групата „Антика“.
И Хотелот „Силекс“ организира Свечен дочек на Стара Нова Година Василица со богато празнично мени. За забавата ќе биде задолжен Ефто Пупиноски во придружба на бендот „Селект“.
Во празнична атмосфера и препознатлив амбиент Старата нова година можете да ја дочекате и во рестораните ”Белведере ” и ”Билјанини Извори ”.
Добра забава за прославата на Стара Нова Година најавуваат и од „Еспана Клуб“. Забавата започнува во 22 часот.
За деталите за овие и другите забави во Охрид, како и за забавните настани кои се случуваат секојдневно, може да се информирате во рубриката „ШТО, КОГА, КАДЕ“ на најчитаниот интернет портал во регионот OhridNews.
OhridNews
