Согласно претходно изготвениот акциски план, од идниот месец ќе може да започне вакцинацијата за заштита од пневмокок и рота-вирус.
Како што информираат од владата, во текот на овој месец до службите за имунизација ќе бидат дистрибуирани по 90 илјади дози од двете вакцини, а почнувајќи од следниот месец, родителите што сакаат нивното дете да прими некоја од вакцините, ќе имаат можност за тоа.
Според Светската здравствена организација, вакцината против Streptococcus pneumoniae ги штити децата од тешки заболувања, како пневмонија, отитис и менингитис. Со воведување на вакцинацијата против Rotavirus, смета СЗО, децата ќе бидат заштитени од тешка форма на дијареи, како и од компликациите предизвикани од нив.
OhridNews
