Младиот талент, охриѓанецот Димитар Веслиевски го најавува своето прво официјално музичко издание – песната „Твоето име“.
Димитар е автор на текстот, со поддршка на познатиот продуцент, аранжер и композитор Хари Котларовски ја сними својата прва песна во 19-тата година од животот. Видеото е реализирано од страна на Даниел Јовески во неговото студио.
Љубовта кон музиката ја негувам уште од раното детство, а по повеќегодишна работа и усовршување, конечно сум подготвен да го споделам мојот прв авторски проект со пошироката јавност. Оваа композиција за мене претставува почеток на едно ново поглавје и искрено верувам дека ќе го најде својот пат до секој слушател, вели Димитар.
Песната „Твоето име” Димитар ја посветува на сите слушатели.
OhridNews
