Во пресрет на летото, и очекуваниот зголемен број на туристи, Охрид доби значајна донација од „Пакомак“ со која ќе ја подобри својата комунална инфраструктура.

Имено ЈП Охридски комуналец добива 10 жолти метални игло контејнери од 1,5 m3 со бетонски фундамент за ПЕТ и Ал лименки и 100 зелени канти од 140 лит за собирање на мешан отпад од пакување од куќи. Жолтите метални игло контејнери т.н. анти вандализам, се далеку потрајни контејнери, многу поскапа, но тоа го наложуваат условите бидејки постои проблем со неформалните собирачи киј што ги уништуваат пластичните контејнери.

Уште од самиот почеток на постоењето, „Пакомак“ се залага за намалување на амбалажниот отпад зголемување на свеста на рециклирањето на истиот. Целта на „Пакомак“ е преку поставување на позитивен пример и обезбедување на соодветна инфраструктура, да покаже дека местото на отпадот е во контејнерите, а не насекаде околу нив, велат од компанијата.

Охрид и Охридското Езеро со својата убавина имаат непроценливото значење и вредноста за нашата земја. Нивното зачувување е општ приоритет околу кој не треба да има компромиси.Езерото е старо 2 до 3 милиони години, посебно, уникатно и прекрасно, од повеќе аспекти. А Охрид како град балкански бисер, центар на културата и уметнста децении наназад. Но и Охрид, како и други градови во земјава, години наназад се соочува со недоволна комунална инфраструктура, што влијае да се создаваат неубави слики од полни контејнери, и расфрлено ѓубре. Токму затоа сите ние треба да направиме се’ што е во наша моќ за да ја одржиме животната средина во најдобар ред, бидејќи ние имаме далеку поголема потреба од неа отколку таа од нас. Се надевам дека жителите на Охрид и сите туристи кои овде доаѓаат ќе се однесуваат совесно, и дека отпадот ќе го одложуваат на соодветните места. – велат од Пакомак.

Градоначалникот на Охрид донацијата ја опиша како акција од општ интерес, истакнувајќи ја важноста на соодветната инфраструктура за реализирање на краткорочните и долгорочни еколошки цели.

Проширувањето на мрежата за селектирање и рециклирање на отпад претставува чекор напред кон создавање на одржлива и чиста околина, а од „Пакомак“ ја потенцираат граѓанската активност и едукација како клучен дел од овој процес.

OhridNews