Охрид и СРЦ “Билјанини Извори“ не се во игра за организицијата на завршниот турнир од ЕП за жени (до 19 години) што в година ќе се одржи во Македонија од 22 мај до 2 јуни.
СРЦ „Билјанини извори“ кој е изграден во седумдесетите години од минатиот век од страна на тогашната ЈНА за потребите на армиските игри, има катастрофална инфраструктура, (дотраени трибини, нефукцнионален поттрибински простор, мал паркинг простор) одамна не е во плановите на ФФМ за одржување на натпревари од официјален карактер, не сметајќи ги притоа пријателските натпревари кои ги играат младите селекции како и подготовките на А тимот.
од подготовките на југословенската репрезентација на „Билјанини„ 1982 г.
Непостоењето на виситнска стратегија на локалната самоуправа која преку ЛЕР ги развива сите видови на туризам, “рурален“,“планински“, и.т.н., но недовно и спортскиот, немањето на слух кај охридската бизнис заедница, како и хотелиерите во Охрид за инвестирање и модернизацоија на спортскиот стадион, нема да му дозволи на туриситчкиот бисер да биде дел од ЕП за кое УЕФА за организацијата, одреди буџет од 1.200.000 швајцарски франци.
На место тоа натпреварите ќе се играат на стадионите „Филип Втори“, Ѓорче Петров, Чаир и Куманово, а за време на турнирот, во скопските хотели ќе бидат остварени околу 3.500 ноќевања.
М.Постоловски
