Road” во Челзи, престижниот дел на Лондон.
На изложбата која беше поставена изминатата седмица беа прикажани шеесетина фотографии во колор и црно – бела техника од збирката на општина Охрид и на авторите Петар Боев, Димче Коруновски, Ангел Ситноски и Александар Ковачески, како и охридскиот бисер, рачно изработената хартија, охридскиот филигран и копии на охридски археолошки артефакти.
-Изложбата ја отвори Сергеј Тоцили, кој е стручен консултант во туризмот во Лондон. Тој ја претстави атрактивната туристичка дестинација и можностите што Охрид ги нуди на странските туристи. На свеченоста при отворањето на изложбата присуствуваа голем број британци кои се интересираа за исклучителните природни и културни вредности кои ги поседува градот Охрид, потоа пријатели на Македонија и македонската култура, но и македонци кои живеат и работат во Велика Британија Претставувањето на Охрид во Лондон освен кај културната, предизвика внимание и кај туристичката јавност, информираа од Општина Охрид.
Оттаму додаваат дека успешното претставување на Охрид и неговото наследство преку оваа изложба овозможило истата да биде претставена, во наредниот период во уште неколку други градови низ Велика Британија како Единбург во Шкотска, но и во Литванија и Романија.
Изложбата целосно била организирана од општина Охрид во соработка со ,,Маг – култура и искуство ”од Скопје и ,,Pro Art & Co” од Лондон, како резултат на добрата соработка на градоначалникот Александар Петрески и неговата ангажираност.