Предлог Информацијата за Извештајот за спроведената ревизија од страна на државниот завод за ревизија и извештаите од работењето и остварените резултати на јавните претпријатија , се дел од вкупно 20 точки кои ќе се најдат на дневен ред на 15- та седница на советот на општина Охрид која ќе се одржи на 5- ти декември со почеток во 13 часот.
Советниците ќе расправаат и за предлог одлуката за утврдување нацрт фискална стратегија и развојни програми на општина Охрид за 2014 година, за дополнување на Одлуката за именување членови во Управниот Одбор на ЈОУДГ „Јасна Ристеска“ , за висината на цената за поставување на времени објекти, како и за неколку предлог одлуки од урбанистичката сфера.
OhridNews
