Уметници и лица вработени во културни установи и институции од Охрид се приклучија кон протестот организиран за одбрана на културата од власта и нејзина партизација, а инициран од неодамнешните случувања во Театарот во Струмица.
Јавно ги поддржуваме колегите од Струмичкиот театар кои се соочија со проблем што се третира како административен недостаток, а за жал е нуспроизвод на нефункционалноста на институциите од кулурата при избор на лица што треба да застанат на чело на културните инситтуции и истите да ги менаџираат во вистински правец. Да се престане со поделби на културата на вледејачка или партија во опозиција. Културата е важен сегмент на општеството, а што секогаш им припаѓа на луѓето, изјави актерот Никола Тодороски.
Охридските културни работници целосно се приклучуваат кон барањата на колегите од Струмица, насочени кон промена на легислативата во областа на културата.
Ова не е партиски ниту политички протест, ова не е групирање луѓе се цел да навредат одредени структури, туку наш глас што треба да се случшне, чуе и разбере. Имаме потреба од поддршка, пред се институционална, она што се подразбира како легислатива во културата, рече актерот од Охридскиот театар Стрезо Стаматовски.
За уметниците од Охрид најголем проблем е несоодветната кадровска политика во уметноста и културата, особено на раководните места, каде се поставуваат некомпетентни луѓе што работат според импровизирани програми.
Културата е специфична и не може економист менаџер да управува со културна институција. Тоа не е просто менаџирање на обврски за обезбедување материјални средства, туку тоа треба да е лице со сенс за култура, особено во театарот. Се соочуваме со многу лоши програмски и погрешни дејства внатре во институциите, а истовремено нема слух за лушето кои сакат да се приближат кон кутлурните институции, рече Стаматовски.
Според охридските уметници, решение за тоа е новиот предлог-закон за култура, посебно во членот 27 што предвидува заострување на критериумите при озбор на директори на јавни културни установи.
OhridNews
