Активностите се дел од ЕКО-проектот “Здрава храна за детство без маана” во кој со особена посветеностт се вклучија ученици од нижите и вишите одделенија во Лескоец. Оваа практична еко-работилница е во функција на едукација на децата и возрасните околу значењето на здравата храна и нејзиното користење со цел здрав и долг живот.
Во рамки на активностите беше извршена и видео-презентацијата за подготовката и придобивката од конзумирање на здрава храна.
Координаторите и членовите на Проектот и директорката на училиштето Лилјана Врвезоска, изразија благодарност за масовното присуство на вљубениците на здрава исхрана и искажаа надеж дека вакви еко-работилници ќе се одржуваат и во иднина со цел што повеќе да се афирмира и да се практикува здравата исхрана .
На презентацијата на здрава храна и претходеше и пригодна новогодишна приредба, на која настапија учениците, како и членовите на детското балетско студио “Соната” од Охрид. Основците беа поздравени и од Дедо Мраз кој им посака здравје, мир, љубов , среќа и одличен успех.